نئی دہلی،22اگست(ایس او نیوز/آئی ا ین ایس انڈیا)دہلی ہائی کورٹ نے آن لائن بلیووہیل کھیلوں پر پابندی کے لئے فیس بک، گوگل، یاہو اور مرکزی حکومت کو نوٹس جاری کیا ہے۔عدالت نے اس معاملے میں ہرایک سے ایک اسٹیٹس رپورٹ طلب کی ہے۔اگلی سماعت میں 19فروری کوہوگی۔ فیس بک، گوگل اور یاہو سے پوچھا کہ انہوں نے بلیو ویل کھیل کو روکنے کے لئے کیا قدم اٹھائے ہیں۔مرکزی حکومت نے آج ہائی کورٹ کو بتایا کہ اس نے آئی ٹی ایکٹ کے سیکشن 79کے تحت 11اگست کو فیس بک، گوگل اور یاہو کو نوٹس بھیجا ہے۔

اس کھیل کی وجہ سے خودکش حملے کے بہت سے واقعات ہوئے ہوئے ہیں۔ابتدائی سماعت کے دوران، ہائی کورٹ نے کھیل میں حیرت کا اظہار کیا اور کہا کہ یہ ایک ایسا کھیل ہے جو نہ صرف بچوں بلکہ بچوں بلکہ بڑوں کیلئے بھی ہلاکت کاباعث ہے۔ قابل ذکر ہے کہ دہلی ہائی کورٹ میں پی آئی ایل دائر کیا ہے، جس میں عدالت کو چیلنج پر مبنی خودکش کھیل ”بلیو ویلی“کے لنک کو ہٹانے کے لئے گوگل، فیس بک اور یاہو جیسی کمپنیوں سے مطالبہ کیا گیا ہے۔