مظفرنگر،15؍جون(ایس او نیوز؍آئی این ایس انڈیا)یوپی کے شاملی ضلع میں ایک نابالغہ کے ساتھ مبینہ طور پر دو ماہ تک عصمت دری کرنے اور اس کو حاملہ کرنے کے الزام میں دونوجوانوں کوگرفتارکیاگیاہے۔پولیس نے بتایا کہ دونوں ملزم تقریباََدوماہ سے15سالہ ایک لڑکی کے ساتھ عصمت دری کررہے تھے اورانہوں نے اس کے بارے میں کسی کو بتانے پراس کوخوفناک نتائج بھگتنے کی دھمکی بھی دی تھی۔پولیس کے ایک افسرنے بتایاکہ اس کے خاندان کواس کے حاملہ ہونے کے بعدواقعہ کی اطلاع ملی۔انہوں نے بتایاکہ عصمت دری اورپاکسو ایکٹ کے تحت ملزمان کے خلاف مقدمہ درج کر دیاگیاہے، معاملے کی جانچ جاری ہے۔