گریڈیہہ،29؍مئی(ایس اونیوز؍آئی این ایس انڈیا) ماؤنواز باغیوں نے آج ہاؤڑہ نئی دہلی گرینڈ کارڈ سیکشن میں دھماکہ کرکے ٹرین کی پٹری اڑا کر جھارکھنڈ میں یک روزہ بند کا آغازکیا۔ ٹرین کی پٹری اڑنے سے راجدھانی ایکسپریس سمیت کئی ٹرینوں کی آمد ورفت متاثرہوئی۔پولیس سپرنٹنڈنٹ(ریلوے )، دھنباد اسیم وکرانت منج نے کہا کہ کل آدھی رات کو بند شروع ہونے کے تھوڑی دیر بعد رات 12 بج کر 40 منٹ پر دھنباد ریلوے ڈویژن کے تحت چچاکی کرم آبادا سٹیشنوں کے درمیان پٹری اڑائی گئی۔ریلوے ذرائع نے کہا کہ کالکا میل، تین راجدھانی ایکسپریس ٹرین، ہٹیا۔ پٹنہ ایکسپریس، ہاؤڑہ دہرادون ایکسپریس سمیت لمبی دوری کی بہت سی ٹرینیں واقعہ کے بعد پھنس گئیں۔بہت سے مال گاڑیوں کی نقل و حرکت بھی رکی رہی۔سینئرڈویژنل کمرشل منیجر( دھنباد)، اے جھا نے کہا کہ صبح سات بج کر 40 منٹ پر راستے پر ریلوے خدمات بحال کر دی گئیں۔پولیس نے کہا کہ دھماکے کے فورا بعد ہزاری باغ کے ریلوے افسر اور ریلوے سیکورٹی پولیس فورس موقع پر پہنچی۔
ایک اور واقعہ میں، گریڈیہہ پولیس سپرنٹنڈنٹ اکھلیش بی بیریار نے کہا کہ ماؤنواز باغیوں نے اپنے مطالبات کی حمایت میں طلب بند کے دوران ڈمری راستے پر دھاواتاڈ میں ایک گاڑی جلا دیا۔سب ڈویژنل پولیس افسر دیپک شرما نے کہا کہ انہوں نے ضلع کے ڈمری برنی راستے پر برایر دریا پر پل بنانے میں مصروف ایک ٹھیکیدار کے ایک گاڑی میں بھی آگ لگا دی۔ایک خبر کے مطابق بند کا جزوی اثر رہا کیونکہ دکانیں اور مارکیٹ کھلی رہی لیکن لمبی دوری کی بسیں نہیں چلیں۔
