منگلورو 31 مارچ (ایس او نیوز): قریبی علاقے موڈبیدری میں ایک پٹرول پمپ کے پاس کھڑی لاری سے پیچھے سے ٹکرانے کے نتیجے میں موٹر بائک پر سوار ماں اور بیٹے کی موت واقع ہوگئی۔ یہ المناک حادثہ منگل کی شام پیش آیا۔

مہلوکین کی شناخت موڈبیدری تعلقہ کے گنٹالکٹے نیرلکے علاقے کی رہائشی پریما اور ان کے بیٹے سین کے طور پر کی گئی ہے۔

اطلاعات کے مطابق دونوں موڈبیدری سے گنٹالکٹے کی طرف موٹر سائیکل پر جا رہے تھے کہ اسی دوران سڑک کنارے کھڑی ایک لاری سے ان کی بائک پیچھے سے ٹکرا گئی۔ حادثہ اتنا شدید تھا کہ پریما موقع پر ہی دم توڑ گئیں، جبکہ شدید زخمی ہونے والے سین نے اسپتال لے جانے کے دوران راستے میں ہی دم توڑ دیا۔